- १५ जेष्ठ २०८३, शुक्रबार / May 29, 2026
काठमाडौँ, १५ असार । काठमाडौँको चन्द्रागिरि नगरपालिका वडा नम्बर–२ स्थित मसिनेमा शनिबार राति पहिरो खस्दा एक कार पुरिएको छ। बा.५ च ११४५ नम्बरको कार मसिनेबाट थानकोटतर्फ जाँदै गर्दा बाटोमै खसेको पहिरोले कार पुरिएको थियो।
घटनापछि जिल्ला प्रहरी परिसर काठमाडौँबाट खटिएको टोलीले पहिरो पन्छाएर कारलाई सुरक्षित रूपमा निकालेको जनाएको छ। साथै, कारमा सवार यात्रुहरूलाई पनि सकुशल उद्धार गरिएको प्रहरीले जानकारी दिएको छ।
घटनामा कुनै मानवीय क्षति नभएको र पहिरो हटाएपछि सडकमा सवारीसाधनको आवागमन पुनः सञ्चालनमा आएको जनाइएको छ।
वर्षा सुरु भएसँगै काठमाडौँ उपत्यकासहितका पहाडी क्षेत्रमा पहिरोको जोखिम बढिरहेको छ। स्थानीय प्रशासनले सतर्कता अपनाउन आग्रह गरेको छ।
