- २२ कार्तिक २०८३, आईतवार / Nov 8, 2026
काठमाडौं । चीनले समुद्री तथ्याङ्क व्यापक रूपमा सङ्कलनका लागि ओसन क्लाउड नामको नयाँ प्लेटफर्म शुरु गरेको छ । ओसन क्लाउड समुद्री तथ्याङ्क र सूचना तयार पार्ने राष्ट्रिय अनलाइन सेवा रहेको चीनको समुद्री पूर्व चेतावनी र अनुगमन विभागलाई उद्धृत गर्दै चिनियाँ समाचार संस्था सिन्ह्वाले जनाएको छ ।
ओसन क्लाउडले तथ्याङ्क सङ्कलन गर्न, विभागबीच समुद्री सूचना सङ्कलनलाई सहज बनाउन र विश्वव्यापी समुद्री सूचना आदानप्रदानलाई बढावा दिने काम गर्छ । यो प्लेटफर्मले समुद्री तथ्याङ्क एकीकरण सेवालाई अझ बलियो बनाउन, समुद्री तथ्याङ्क साझेदारीको लागि प्राविधिक मापदण्ड एकीकरण गर्न र समुद्री तथ्याङ्क उत्पादनको प्रयोग गुणस्तर सुधार गर्ने चीनको दाबी छ ।
यसले समुद्र तथा समुद्री गतिविधिका कारण विश्व मौसममा आउनसक्ने सङ्कटको पूर्वानुमान गर्न पनि सहज हुनेछ ।एजेन्सी
