- २९ श्रावण २०८३, शुक्रबार / Aug 14, 2026
काठमाडौं । गाडी सुविधा नपाउने कर्मचारीले पनि चोर बाटोबाट इन्धन सुविधा लिएको पाइएको छ ।
अर्थ मन्त्रालयको कार्यसञ्चालन निर्देशिका २०७७ अनुसार सचिव र सहसचिव स्तरका कर्मचारीले मात्र गाडी सुविधा पाउँने नियम छ । सरकारले कर्मचारीलाई इन्धनबापत नगद सुविधा दिने निर्देशिका जारी गरेपछि पनि उपसचिव र अधिकृतलाई चोर बाटोबाट इन्धन सुविधा दिइरहेको छ ।
अर्थमा सरकारी नियम अनुसार गाडी सुविधा पाउने ११ जना छन् । तर ८० वटा सरकारी गाडी प्रयोगमा छन् । सचिव र सहसचिव बाहेक अन्य कर्मचारीले पनि अनधिकृत रुपमा गाडी सुविधा लिइरहेको मन्त्रालययका अधिकारी बताउ छन् ।
सिंहदरबारभित्र मात्रै करिब ३०० वटा गाडी उपसचिव र अधिकृतहरुले प्रयोग गरिरहेका छन् । ती गाडीमा इन्धन पनि राज्यकोषबाटै भरिदै आएको ।
चालु आर्थिक वर्षको बजेटमा अर्थमन्त्री डा प्रकाशशरण महतले इन्धन सुविधा पाउने कर्मचारीलाई इन्धनको कुपनको सट्टा नगद नै दिने घोषणा गरेका थिए ।
सो घोषणा अनुसार असोज अन्तिम साता इन्धनबापत नगद सुविधा सम्बन्धी निर्देशिका जारी भएपछि हाल इन्धनको कुपन जारी हुँदैन ।
उपसचिव र अधिकृतले तेलको कुपन पाउन छाडे पनि उनीहरु चढ्ने गाडीले तेल भने पाइरहेका छन् ।
