चुरियामाई सुरुङमार्ग उपमहानगरलाई जिम्मा

हेटौंडा । दक्षिण एसियाकै पहिलो मकवानपुर चुरियामाई सुरुङमार्ग आजदेखि हेटौंडा उपमहानगरपालिकालाई हस्तान्तरण गरिएको छ । उक्त सुरुङलाई पर्यटकीय स्थलको रुपमा सञ्चालन गर्ने उपमहानगरपालिकाले जनाएको छ ।

वर्षौंदेखि जीर्ण सुरुङ पुनर्निर्माण भएपछि बागमती प्रदेश यातायात पूर्वाधार निर्देशनालयले सोमबार उपमहानगरपालिका कार्यालयलाई हस्तान्तरण गरेको हो । सुरुङ पुनर्निर्माण सम्पन्न एक वर्षअघि नै भइसकेको थियो ।

तर, प्राविधिक कारण देखाएर निर्देशनालयले उपमहानगरलाई हस्तान्तरण गर्न सकेको थिएन ।उपमहानगर र निर्देशनालयबीच सहमति भएअनुसार मर्मतसम्भार प्रदेश सरकारले गर्ने र कर संकलन उपमहानगरले गर्ने र्देशनालयका निर्देशक पुष्करप्रसाद पोख्रेलले बताए ।