तीन दिनका लागि नाका बन्द

नेपालगञ्ज । तीन दिनका लागि नाका बन्द गरिएको छ । बाँकेको नेपाल–भारत जमुनाहा नाका शनिबारदेखि भारतको उत्तरप्रदेशस्थित बहराइच जिल्लामा हुने निर्वाचनका लागि तीन दिन नाका बन्द गरिएको हो ।

खुला सीमाका कारण बढ्नसक्ने सुरक्षा चुनौतिलाई देखाउँदै नाका बन्द गरिएको जिल्ला प्रशासन कार्यालय बाँकेले जनाएको छ । यही वैशाख ३१ गते हुने लोकसभा निर्वाचनका लागि सीमा नाका तीन दिनका लागि बन्द गरिएको जिल्ला प्रशासन कार्यालय बाँकेले जनाएको छ ।

निर्वाचनलाई लक्षित गरेर दुई देशका सीमा क्षेत्रमा मदिराको बेचविखन र सेवनमा समेत रोक लगाइएको छ । लोकसभा निर्वाचनलाई दशगजा क्षेत्रमा दुवै देशका सुरक्षाकर्मीले संयुक्त रूपमा गस्ती गर्दैआएका छन् ।

नाका बन्द रहेका बेला एम्बुलेन्सलगायत अत्यावश्यक सेवालाई दुवै देशका सुरक्षाकर्मीको समन्वयमा कुनै अवरोध नहुने जिल्ला प्रशासन कार्यालयले जनाएको छ ।