- १२ जेष्ठ २०८३, मंगलवार / May 26, 2026
काठमाडौं । नेपाली कांग्रेसले १९ ठाउँमा विजय हासिल गरेको छ । यही मंसिर १६ गते सम्पन्न स्थानीय तहको उपनिर्वाचनको नतीजा सार्वजनिक भएसंगै नेपाली काँग्रेसले १९ स्थानमा विजय हासिल गरेको हो ।
४४ सीटका लागि भएको स्थानीय तहको उपनिर्वाचनमा तीन स्थानमा निर्विरोध निर्वाचित भएपछि बाँकी ४१ सिटका लागि भएको मतदान भएको हो । चर्चामा रहेको काठमाडौँको कीर्तिपुर नगरपालिका प्रमुखमा नेपाली कांग्रेसका कृष्णमान डंगोल निर्वाचित भएका छन् । उनले ५ हजार ३ सय ३४ मत ल्याउँदा माओवादी केन्द्रका शिवशरण महर्जनले ४ हजार ५ सय ५५ मत पाउनु भएका छन् ।
दोस्रो बढी माओवादी केन्द्रले ११ वटा सिट जितेको छ भने एमालेले ८ स्थानमा जित दर्ता गरेको छ । निर्वाचनमा जसपा नेपालले २ स्थान जितेको छ भने नेकपा एकीकृत समाजवादी, नेमकिपा, रास्वपा र स्वतन्त्र उम्मेदवारले एक–एक ठाउँ जितेका छन् ।
