एसिया कप क्रिकेट अन्तर्गत आज दुई खेल हुँदै

काठमाडौँ । संयुक्त अरब इमिरियट्मा जारी यू–१९ एसिया कप क्रिकेट अन्तर्गत आज दुई खेल हुँदैछन् । समूह ‘बी’ अन्तर्गत पहिलो खेलमा युएईले बंगलादेशको सामना गर्नेछ ।

दोस्रो खेलमा श्रीलंका र जापानबीच प्रतिस्पर्धा हुनेछ । दुवै खेल नेपाली समय अनुसार बिहान ११ः १५ बजे सुरु हुनेछन् । समूह ‘ए’मा रहेका नेपाल, पाकिस्तान, भारत र अफगानिस्तानले एक एक खेल खेलिसकेका छन् ।

शुक्रबार भएको खेलमा पाकिस्तान र भारतले विजयी सुरुवात गरेका छन् । पाकिस्तानले नेपालमाथि र भारतले अफगानस्थानमाथि सात(सात विकेटको जित निकालेका हुन् ।

समूहका शीर्ष दुई टोली सेमिफाइनलमा प्रवेश गर्नेछन् । पहिलो खेलमा पाकिस्तानसँग नमिठो हार खाएको नेपालले अर्को खेल मसिंर २४ गते अफगानिस्तान र २६ गते भारतसँग खेल्दैछ।