- २६ श्रावण २०८३, मंगलवार / Aug 11, 2026
काठमाडौँ, २ असार । त्रिभुवन अन्तर्राष्ट्रिय विमानस्थल भन्सार कार्यालय सिनामंगलस्थित Level Up Enterprises नामक कम्पनीले चीनबाट आयात गरेको ७४ पोका ब्रान्डेड सनग्लास, लेडिज टप्स लगायतका सामानमा अनियमितता उजागर भएको छ। प्रज्ञापन फारममा गलत विवरण दिइएको र सामान जासपस गरिएको खुलेपछि यस विषयमा छानबिनको माग उठेको छ।
भन्सार विभागले सो सामान पुन: रिचेक गर्न निर्देशन दिएको भए पनि झन्डै ७० दिनसम्म सामानको भौतिक परीक्षण नगरी भन्सार एजेन्ट र कर्मचारीबीच मिलेमतो गरेर मनमानी मूल्यांकन गरी सामान छाड्ने तयारी भएको सूचना बाहिर आएको छ।
सामानको रिचेकका लागि खटिएका भन्सार अधिकृतहरुले यो काम गर्न नसकेको र पछि थप कर्मचारी परिवर्तन गरी खटाइएको थियो। तर पुनः चेक गर्दा ६९ पोका मात्रै भेटिएको र बाँकी ३ पोका सामान गोदाममा लुकाइएको फेला परेको छ।
गोदामबाट बाहिर निकालेको कागजपत्रमा ७४ पोका सामान १९ चैत्र २०८१ मा बाहिर गएको देखाइएको भए पनि पुनः २८ जेठ २०८२ मा गोदाममा भित्र्याएर सोही दिन पुनः बाहिर निकालिएको देखिन्छ। शाखा प्रमुखले यो कागजपत्रमा हस्ताक्षर गरेकाे देखिन्छ ।
यसअघि पनि सो कम्पनीले यस्तै तरिकाले सामान गायब गरी करोडौं राजस्व छली गरेको पाइएको छ। सूत्र अनुसार यो कार्यमा भन्सार कार्यालयको पारबहन गोदाम र भन्सार एजेन्ट संघले समेत भित्री सहयोग गरेको आशंका गरिएको छ। राजस्व संकलन गर्ने निकाय नै राजस्व छलीमा संलग्न भएकोले यस विषयमा कडा छानबिन र कारबाही आवश्यक रहेको विज्ञहरुले बताएका छन्।
मुख्य प्रश्नहरू:
१. रिचेक पर्ने सामान झन्डै ७० दिनसम्म किन जाँचिएन?
२. रिचेकका लागि बारम्बार कर्मचारी परिवर्तन किन गरियो?
३. गोदामबाट सामान बारम्बार किन एक ठाउँबाट अर्को ठाउँ सारियो?
४. ७४ पोका सामानमा तीन पोका मात्र किन गोदामले Restore गरेर बिल गर्यो? यस विषयमा अनुसन्धान र स्पष्ट उत्तर नआएसम्म पैरवी जारी राख्नुपर्ने माग रहेकाे छ ।
