- २४ आश्विन २०८३, शनिबार / Oct 10, 2026
मकवानपुर । मनहरी गाउँपालिकाका १ सय १५ जना विद्यार्थीलाई साइकल वितरण गरिएको छ । ९ लाख ५० हजार आर्थिक सहयोगमा कक्षा ६ देखि १० सम्म अध्ययनरत १ सय १५ छात्र–छात्रालाई साइकल वितरण गरिएको हो ।
वडा नम्बर ४ स्थित पशुपतिनाथ माध्यामिक विद्यालयका विद्यार्थीलाई साइकल वितरण गरिएको हो । घरदेखि स्कुल सम्मको भौगोलिक दूरी टाढा रहेका विद्यार्थीलाई साईकल वितरण गरिएको बागमती प्रदेशकी सामाजिक विकासमन्त्री कुमारी मोक्तानले बताइन् ।
साईकल हस्तान्तरण कार्यक्रममा बोल्दै प्रमुख अतिथि मोक्तानले शैक्षिक सुधारमा वडाले गरेको कार्यको प्रशंसा गरिन् । विद्यालयका प्रधानाध्यापक भानुभक्त आचार्यले साईकल प्राप्त भएपछि भौगोलिक हिसाबले टाढा रहेका विद्यार्थीलाई समयमै स्कुल आउन र घर जान सहज हुने विश्वास व्यक्त गरे ।
नियमित साईकल चलाउदा विद्यार्थीमा स्फूर्ती समेत आउने प्रधानाध्यापक आचार्यको भनाई छ ।
