डीपसीक अमेरिकामा सबैभन्दा बढी डाउनलोड गरिएको सस्तो एप

एजेन्सी । कम लागतको एआई च्याटबोट डीपसीकका कारण अमेरिकाका धेरै ठूला प्राविधिक कम्पनीहरूको शेयर मूल्य घटेको छ ।
चिनियाँ एआई एप डीपसीकले अमेरिकी बजारमा उथलपुथल ल्याएपछि गएको हप्ता बजारमा आएको उक्त एपले अमरिकामा उथलपुथल मच्चाएको हो ।

च्याट जीपीटीसहित प्रतिस्पर्धीहरूलाई पछि पार्दै डीपसीक अमेरिकामा सबैभन्दा बढी डाउनलोड गरिएको सस्तो एप बनेको छ । डीपसीकको शुरुआतका कारण अमेरिका मात्र नभई जापान, दक्षिण कोरिया र ताइवानको शेयर बजारमा पनि गिरावट आएको छ ।

अमेरिकी राष्ट्रपति डोनाल्ड ट्रम्पले चिनियाँ स्टार्टअप कम्पनी डीपसीक अमेरिकाको प्रविधि उद्योगको लागि जागरणको घण्टी भएको चेतावनी दिएका छन् ।

सबैभन्दा ठूलो धक्का चिप निर्माता कम्पनी एनभिडियालाई परेको छ । एनभिडियाको बजार मूल्यमा पाँच खर्बभन्दा बढीको घाटा बेहोर्नुपरेको खबरमा उल्लेख छ ।