- २३ भाद्र २०८३, मंगलवार / Sep 8, 2026
काठमाडौं । यसवर्ष ७५ जिल्लामा डेंगु फैलिएको छ । ६ हजार ८ सय ३१ जना संक्रमित भएका छन् । सन् २०२४ को सुरू गत पुसको मध्यदेखि हालसम्म डेंगु संक्रमणबाट ४ जनाको मृत्यु भएको स्वास्थ्य सेवा विभाग इपीडिमियोलोजी तथा रोग नियन्त्रण महाशाखाले जनाएको छ ।
सबैभन्दा धेरै डेंगुका बिरामी गण्डकी प्रदेशमा देखिएका छन् ।डेंगु पुष्टि हुनेको संख्या तीन हजार २ सय २९ पुगेको छ । तनहुँमा मात्रै एक हजार १ सय ४९ जनामा डेंगु पुष्टि भएको छ । कास्कीमा ७६४ र पर्वतमा ६५७ जनामा डेंगी संक्रमण पुष्टि भएको छ। बागमती प्रदेशमा एक हजार ७२३ मा डेंगु देखिँदा काठमाडौंमा ५५२ र चितवनमा ५३३ जनामा डेंगु संक्रमण देखिएको छ।
यस्तै कोशी ८१५, लुम्बिनीमा ४७४, सुदूरपश्चिममा ३७९, मधेशमा १०६ र कर्णाली प्रदेशमा १०५ जना संक्रमित भेटिएका छन् ।अघिल्लो वर्ष ७७ वटै जिल्लामा डेंगु फैलिँदा ५२ हजार भन्दा बढी संक्रमित भएका थिए भने २० जनाको मृत्यु भएको थियो । यस वर्ष मुस्ताङ र हुम्ला जिल्लाबाहेक अरु जिल्लामा डेंगु देखिएको हो ।
