- ३१ असार २०८३, बुधबार / Jul 15, 2026
काठमाडौं । सत्ता साझेदार दल नेपाली कांग्रेसभित्र भागबन्डाको भाँडभैलो सुरु भएको छ । डा शेखर कोइराला र महामन्त्री गगनकुमार थापा नेतृत्वको संस्थापनइतर पक्षले भागबन्डामा देउवाले बेवास्ता गरेको भन्दै संस्थापन पक्षको नियतमाथि प्रश्न उठाएको छ ।
मन्त्रिपरिषद् गठनताका केही मिलाएको भएपनि प्रदेश मन्त्रिपरिषद्मा आफूहरूलाई भित्तामा पु¥याएको भन्दै संस्थापनइतर पक्षका नेताहरूले प्रश्न उठाएका हुन् । सङ्घीय मन्त्रिपरिषद्मा पनि कम्तिमा ५ मन्त्रालय मागेको थियो तर, सभापति शेरबहादुर देउवाले ४ मन्त्रालय दिएको भन्दै असन्तुष्टि जनाएको छ ।
प्रदेशमा दामासाही भागबन्डा हुनुपर्ने बताइरहेको संस्थापनइतर पक्ष लुम्बिनीमा २ मागेकोमा १ मात्रै प्राप्त भएसँगै झस्कियो र कम्तिमा ११ मन्त्रालय पाउनुपर्ने निष्कर्ष निकालेको छ ।
