टेन्सन नदिन दुई महामन्त्रीसंग देउवाको आग्रह, अहिले छलफल गर्दै

काठमाडौं । पार्टी उपसभापति र दुई महामन्त्रीसँग कांग्रेस सभापति शेरबहादुर देउवाले छलफल गर्दैछन् । महामन्त्री द्धोयले केन्द्रीय समिति बैठकमा पेश गरेको प्रतिवेदनले पार्टी भित्र हलचल पैदा गरेको र सभापतिलाई टेन्सन दिएको विषय अहिले सतहमा आएको छ ।

उपसभापतिद्वय पूर्णबहादुर खड्का र धनराज गुरुङ, महामन्त्रीद्वय गगन थापा र विश्वप्रकाश शर्मासँग देउवाले अहिले बुढानीलकण्ठमा छलफलका लागि बोलाएको मुख्यसचिव कृष्णप्रसाद पौडेलले जानकारी दिए ।

कांग्रेसमा विवाद चुलिदै गएपछि महामन्त्री थापाले गठबन्धन नगर्ने र शर्माको ‘एक्जिट पोलिसी’ प्रस्तावमाथि संस्थापन पक्षले चर्को विरोध जनाएका बेला हुन लागेको यो छलफलले विग्रह गर्न सक्ने बुझिएको छ । मध्यमार्गी विकल्प खोज्न देउवाले बैठक राखेको बताइएको छ । पार्टीका पाँच शीर्ष नेताहरूले महासमिति बैठकमा आएको सुझावलाई समेटेर परिमार्जित भएर प्रतिवेदन पारित गर्ने तयारी पनि गरेको बुझिएको छ।