सत्ता समिकरणपछि आजको संसद् बैठकमा प्रचण्ड, केपी र देउवाले सम्बोधन गर्ने

काठमाडौं । प्रतिनिधिसभाको आजको बैठकमा राजनीतिक दलका शीर्ष नेताले सम्बोधन गर्नेछन् । बिहान ११ बजे बस्ने बैठकमा प्रधानमन्त्रीसहित राजनीतिक दलका शीर्ष नेताले सम्बोधन गर्ने कार्यसूची राखिएको संसद सचिवालयले जनाएको छ।

आजको बैठक रोचक र घोचक हुने अनुमान छ । कांग्रेस सभापति शेरबहादुर देउवा, एमाले अध्यक्ष केपी शर्मा ओली, प्रधानमन्त्री पुष्पकमल दाहाल प्रचण्डले सम्बोधन गर्ने जनाइएको छ।

सत्ता समीकरणपछि संघीय संसदको पहिलो बैठक बस्न लागेको हो। एमाले अध्यक्ष ओलीले संसदमा सम्बोधन गर्ने एमालेका प्रमुख सचेतक महेश बर्तौलाले बताएका छन् ।