- ९ असार २०८३, मंगलवार / Jun 23, 2026
काठमाडौं । राष्ट्रियसभा निर्वाचनमा काँग्रेसलाई दश सिट भाग परेको छ । निर्वाचनका लागि सत्तारुढ गठबन्धन दलले भागबण्डा टुङ्ग्याएको हो ।
प्रधानमन्त्री निवास बालुवाटारमा आज बसेको बैठकले राष्ट्रिय सभा निर्वाचनका लागि भागबण्डा टुंग्याएको हो । सत्ता गठबन्धनको सबैभन्दा ठूला दल नेपाली कांग्रेसले १० सिट पाएको हो ।
बैठकमा प्रधानमन्त्री पुष्पकमल दाहाल प्रचण्ड, नेपाली कांग्रेसका सभापति शेरबहादुर देउवा, नेकपा एकीकृत समाजवादी पार्टीका अध्यक्ष माधवकुमार नेपाल र जनता समाजवादी पार्टीका अध्यक्ष उपेन्द्र यादवसहित चार दलका नेताहरू सहभागी भएका थिए ।
आगामी माघ ११ मा हुने राष्ट्रिय सभा निर्वाचनका लागि सातै प्रदेशमा भोलि उम्मेदवारी दर्ता गर्ने कार्यतालिका रहेको छ ।
