- २३ बैशाख २०८३, बुधबार / May 6, 2026
काठमाडौं, १३ भदौ । धादिङको धार्के क्षेत्रमा सडक निर्माणका क्रममा निजी जग्गा मिचिएको आरोप लगाउँदै नेवा: राष्ट्रिय परिषदको नेतृत्वमा स्थानीयबासीले सडकमा तारबार लगाएका छन् ।
उनीहरूले धुनिबेसी नगरपालिका–५ स्थित बिमला महर्जनको करिब ३ रोपनी १५ आना २ पैसा जग्गा मापदण्ड विपरीत पिच गरिएको दाबी गरेका छन् ।
नेवा: राष्ट्रिय परिषदका अध्यक्ष सुमन सायमीले बताएअनुसार, बिमला महर्जनको नाममा रहेको जमिन मापदण्डअनुसार सडक निर्माणमा आवश्यक परेभन्दा बढी उपयोग गरिएको छ । उनले भने, “बाटोमा दिनुपर्ने जग्गाबाहेकको जमिन फिर्ता दिलाउन हामीले सडकमै तारबार लगाएका हौं । बिमला महर्जनलाई न्याय दिलाउन यो कदम चालिएको हो ।”
सडकमा तारबार लगाउने कार्यक्रममा विभिन्न संघसंस्थाका प्रतिनिधिहरूको समेत उपस्थिति थियो ।उनीहरूले घटनालाई निजी सम्पत्तिको उल्लंघन र न्यायविना गरिएको सरकारी कामको रुपमा लिँदै त्यसविरुद्ध आवाज उठाएका हुन् ।
