- १० श्रावण २०८३, आईतवार / Jul 26, 2026
पनाैती चामखरमा अवस्थित डायमण्ड हिल रिसाेर्ट
काभ्रे । कतै तपाई अंग्रेजी नयाँ वर्ष मनाउँन शान्त, सुन्दर र मनोरम ठाउँको खोजिमा त हुनुन्न ? यदि हुनु हुन्छ भने तपाइले खोजेजस्तै, रोजेजस्तै ठाउँ काभ्रे जिल्लाको पनौती नगरपालिका वडा ४ चामखरमा रहेको छ । यहाँ रहेको डायमण्ड हिल रिसोर्ट तपाई भनेजस्तै, सोचेजस्तै उपयुक्त पर्यटकीय गन्तव्य हुन सक्छ ।
शान्त डाँडामा हरियालीको बीचमा रहेको यो रिसोर्टबाट जंगली जनावरले तपाईलाई स्वागत गरेको दृश्य तपाई आफैले देख्न सक्नु हुने छ । चराचुरुङ्गीको मेठो आवाजले गीत गाइरहदा तपाई मन्त्रमुग्द हुनुहुनेछ । राजधानीबाट ३५ किलोमिटरको दुरीमा रहेको डायमण्ड हिल रिसोर्ट पछिल्लो समय स्वादेशी तथा विदेशी पर्यटकलाई आकर्षण गर्ने केन्द्र बनेको छ ।
यहाँ प्रयोग भएका हाइकिङ रुटले तपाई शहरबाट केही पर नजिकैको सुन्दर ठाउँमा पुगेको अनुभुती हुने छ । डायमण्ड हिल रिसोर्टबाट देखिने पानोरोमिक हिमालका दृश्यले तपाईलाई मोहनी लगाईदिने छ । यहाँबाट सुन्दर पनौती नगरपालिकाको ऐतिहासिक तथा धार्मिक दृश्यलाई अवलोकन गर्न सकिने र नजिकै रहेको नागीडाँडा भ्युटावरबाट प्यारागलाइडिङ गर्न सकिने छ भने गुर्दुमडाँडा हुँदै फुल्चोकी हाइकिङ गर्न सकिने सञ्चालनक राजन थापाको भनाई छ ।
यहाँबाट रानीकोट, लाकुरीभञ्ज्याङ लगायतका विभिन्न रुटमा हाइकिङ गर्न सकिने र आफूले चाहेजस्तो पारिवारिक वातावरणमा रम्न सकिनेछ । यतिमात्रै होइन रिसोर्टको खाना,बस्नेबास अनि सत्कारले तपाईलाई झनै मोहित बनाउने सञ्चालको दाबी छ ।
सुन्दर प्राकृतिक वातावरणमा पारिवारिक माहोलमा बस्नकालागि र घुम्नका लागि उपयुक्त स्थान काभ्रेको पनौती नगरपालिका वडा नं ४ मा अवस्थित चामखर र डायमण्ड हिल रिसोर्ट सबैको केन्द्र बन्दै गएको छ । यो स्थान पनि अंग्रेजि नयाँ वर्ष मनाउने तपाईका लागि उपयुक्त स्थान बन्न सक्छ ।
