- ४ आश्विन २०८३, आईतवार / Sep 20, 2026
भक्तपुर । अग्रेजी नयाँ वर्षमा तपाई कतै घुम्न जादै हुनुहुन्छ ? जादै हुनुहुन्छ भने राजधानी काठमाडौंबाट सबै भन्दा नजिक रहेको पर्यटकीय गन्तव्य सूर्यविनायक नगरपालिकामा अवस्थित घ्याम्पेडाँडा उपयुक्त स्थान रहेको छ ।
घ्याम्पेडाँडा अरनिको राजमार्ग अन्तरगत सूर्यविनायक चोकबाट जम्मा पाँच किलोमिटरको दुरीमा रहेको छ । सूर्यविनायक चोकबाट एक किलोमिटरको दुरीमा गणेश मन्दिर पुग्न सकिन्छ भने गणेश मन्दिरबाट चार किलोमिटरको दुरीमा घ्याम्पेडाँडा पुग्न सकिन्छ । राजधानीबाट सबै भन्दा नजिक मानिएको यो पर्यटकीय गन्तव्य जान एक दमै सहज रहेको छ ।
यहाँ यातायातका साधनबाट र विभिन्न धार्मिक स्थालहरु अवलोकन गर्दै हिडेर पनि सहजै पुग्न सकिन्छ । घ्याम्पेडाँडा जान विभिन्न हाइकिङ रुटहरु समेत रहेका छन् । यहाँ अवस्थित होटल घ्याम्पेडाँडा सबैको रोजाइमा पर्ने गरेको छ । यहाँ खान बस्नका लागि राम्रो बन्दोवस्त रहेको छ ।
यस होटलमा रहेका हरेक कोठाबाट सुन्दर काठमाडौं उपत्यका र मनोरम हिमश्रृखाला देख्न सकिन्छ । यहाँबाट देखिने हिमालको दृश्यले तपाईलाई होटल घ्याम्पेडाँडामा बस्न बाध्य बनाउँने होटल घ्याम्पेडाँडाका सञ्चालकको दाबी छ ।
होटल घ्याम्पेडाँडाको विशेषता नै सुन्दर काठमाडौं उपत्यका, हिमाली दृश्यहरुको अवलोकन संगै यहाँ बनाइने विभिन्न खानाका परिकारहरु हुन । यहाँको खाना, बस्नलाई बास र हेर्नलाई सुन्दर दृश्ले तपाईलाई मोहनी लगाइ रहेने छ । वरिपरि जंगलको बीच भागमा अवस्थित होटल घ्याम्पोडाँडाले अग्रेजी नयाँ वर्षको उमंगमा तपाइलाई पर्खिरहेको छ ।
