- २२ असार २०८३, सोमबार / Jul 6, 2026
काभ्रे । काभ्रेको पनौती नगरपालिका वडा नं एक रयालेमा कम्बल वितरण गरिएको छ । पनौती नगरपालिका र विभिन्न संघसस्थाको सहयोगमा दुई सय ३३ परिवारलाई उक्त सामग्री वितरण गरिएको हो ।
आइतबार र सोमबार गरि दुई सय ३३ परिवारलाई विभिन्न टोल–टोलमा गएर कम्वल लगायतका सामग्रीहरु विरण गरिएको वडा नं एकका वडा अध्यक्ष जयकुमार लामाले जानकारी दिनुभयो ।
उहाँले वडा, नगर र विभिन्न संघसंस्थाको सहयोगमा उक्त सामग्रीहरु वितरण गरिएको जानकारी दिदै चुनाव अघि आफूले गरेको प्रतिवद्धता पुरा गर्दै अघिबढेको बताउनुभयो ।
वडाका जेष्ठ नागरिकहरुको सेवा गर्ने प्रतिवद्धता अनुसार विभिन्न समयमा जेष्ठ नागरिकलाई सम्मान तथा उहाँहरुका समस्या समाधानमा आफू निरन्तर लागि परेको तर्क गर्नुभयो ।
उहाँले वडाका जनप्रतिनिधिहरु, स्थानीय बासीन्दा, नगरप्रमुख रामशरण भण्डारी र सहयोगी विभिन्न संघसंस्थालाई धन्यवाद समेत दिनुभयो ।
