- २२ असार २०८३, सोमबार / Jul 6, 2026
काठमाडौं । पशुपतिनाथ मन्दिरको भेटी चोरीमा संलग्न आरोपमा पक्राउ परेका एक कर्मचारीको घरबाट छ लाख रुपियाँ बरामद भएको छ । महानगरीय प्रहरी वृत्त गौशालाको टोलीले कोषका नायब सुब्बा नवराज ढोडारीको घरबाट उक्त रकम बरामद गरेको प्रहरीले जनाएको छ ।
गत जेठ ७ गते नासु ढोडारीसहित आठ जनालाई नियन्त्रणमा लिइएको थियो । मन्दिरका ब्राह्मण नवराज घिमिरे, मन्दिरमा बाजा बजाउने कर्मचारी अनिल परियार, सञ्जय कपाली र कुमार परियारमाथि जिल्ला अदालतबाट म्याद थप गरी अनुसन्धान अघि बढाइएको छ ।
कोषको सिसिटिभी निगरानीका क्रममा संस्कृति संरक्षण महाशाखाको भेटी गणना कक्षका मुख्य कर्मचारी ढोडारीसहितका कर्मचारीले लुकाएर लाने गरेको खुलेको थियो । कोषाध्यक्ष सुवेदी जनता टेलीभिजनमा कार्यरत भएकोकै समयमा तत्कालीन पर्यटनमन्त्री एवं नेपाल कम्युनिस्ट पार्टी (एस) का नेता प्रेमबहादुर आलेले पशुपति क्षेत्र विकास कोषमा नियुक्त गरेका थिए ।
