बालुवाटारमा शीर्ष नेताहरूको बैठक जारी

काठमाडौं । दलका प्रमुख शीर्ष नेताहरूको बैठक बालुवाटारमा जारी छ । प्रधानमन्त्री पुष्पकमल दाहाल प्रचण्ड, नेकपा एमालेका अध्यक्ष केपी शर्मा ओली, कांग्रेस नेताहरू कृष्ण सिटौला, गगन थापा, रमेश लेखकलगायत सहभागी भएका छन् ।

पछिल्लो राजनीतिक घटनाक्रम, संसद्को अवरोध लगायत विषयमा छलफल भइरहेको नेता गगन थापाले बताए । कांग्रेसले उपप्रधान एवं गृहमन्त्री रवि लामिछानेमाथि छानबिन गर्नका लागि संसदीय छानबिन समिति गठनको माग गर्दै आइरहेको छ ।

संसदीय समितिको कार्यादेश बनाउन आज बिहान बसेको कार्यदलको बैठक विना निष्कर्ष टुङ्गिएको थियो ।