- २९ श्रावण २०८३, शुक्रबार / Aug 14, 2026
काठमाडौं । फुटपाथ मिचेर बनाइएको संरचनामा काठमाडौं महानगरपालिकाले धमाधम डोजर चलाएर भत्काउन थालेको छ । नगर प्रहरी बल र स्थानीयबीच गौशालामा तनाव भएको छ । गौशाला चोकस्थित महानगर प्रहरीको टोली पुगेपछि मारवाडी सेवा समितिका र स्थानीय सडकमा उत्रिँदा तनाव भएको हो ।
अदालतको आदेशपछि माडवाडी सेवा समितिले सञ्चालन गर्दै आइरहेको गौशाला धर्मशाला खाली गराउन र फुटपाथ मिचिएको संरचना भत्काउन नगर प्रहरी गौशाला पुगेको हो । अतिक्रमित संरचना भत्काउन खोज्दा स्थानीयले अवरोध गरेपछि दुई पक्षबीच धकेलाधकेल भएको छ ।
काठमाडौं जिल्ला अदालतले २१ वर्षदेखि मारवाडी सेवा समितिले चलाउँदै आएको पशुपति क्षेत्र विकास कोषको स्वामित्वको पशुपति गौशाला धर्मशालाको जमिनमा मोहियानी हक नलाग्ने फैसला गरिसकेको छ । महानगरको टोली मारवाडी सेवा समितिले ओगेटको त्यो संरचना खाली गराउन पुगेको छ । स्थानीय र माडवाडी समितिको अवरोधबीच महानगरले डोजर चलाएको छ ।
