- २२ असार २०८३, सोमबार / Jul 6, 2026
काठमाडौं । वीरगन्ज महानगरपालिकाले भू–तथ्यांक व्यवस्थापन गर्दै वैज्ञानिक ठेगाना प्रणाली लागू गर्न ड्रोनमार्फत भू–सर्वेक्षण कार्य सुरु गरेको छ।
शुक्रबार नेपाल–भारत प्रवेश बिन्दु शंकराचार्य गेटबाट ड्रोन उडाएर तथ्यांक संकलन कार्य सुरु गरेको हो ।
ड्रोन उडाएर भू–सर्वेक्षण कार्यको शुभारम्भ गरेको महानगरका मेयर राजेशमान सिंहले कैलाश खबरलाई बताए ।
भू—सुशासनका लागि महानगरका ३२ वटै वडाको भू–तथ्यांक संकलन गर्न सर्वेक्षण सुरु गरिएको महानगरले जनाएको छ ।
यस अघि भू–तथ्यांक चुस्त नहुँदा तथ्यांकमा आधारित उपयोग निर्धारण नीति कार्यान्वयन गर्न कठिनाइ हुँदै आएको थियो ।
