- २७ असार २०८३, शनिबार / Jul 11, 2026
काठमाण्डौ । जाजरकोटमा भूकम्पको एक भएको छ । रुकुमपश्चिमसहितका जिल्लाका एक सय ५४ जनाले ज्यान गुमाएको जाजरकोट भूकम्प कात्तिक १७ गते मध्यराति गएको थियो । जाजरकोटको रामीडाँडा केन्द्रबिन्दु भएर ६ दशमलव ४ रेक्टर स्केलको भूकम्पमा ७० हजारभन्दा धेरै घर पूर्ण तथा आशिंक क्षति भएका छन् ।
जाजरकोट भूकम्पबाट भत्कीएका संरचना पुनर्निर्माणका लागि सरकारले चासो नदिएको पीडितको गुनासो छ हजारौं निजी घर, सयौं विद्यालय र सरकारी भवन क्षतिग्रस्त भए पनि अहिलेसम्म घर तथा संरचना पुनर्निर्माणको थालनी हुन सकेको छैन । एक वर्षभित्रै स्थायी संरचना बनाउने घोषणा गरेको सरकारले काम कहिले थाल्ने हो टुङ्गो छैन ।
हिउँद, वैशाख, जेठको गर्मी र बर्खे झरी टहरोमै बिताएका कतिपय पीडितले अबको हिउँद पनि टहरोमै बिताउनुपर्ने अवस्था छ । राष्ट्रिय विपद् जोखिम न्यूनीकरण तथा व्यवस्थापन प्राधिकरणले भूकम्पपछिको पुनर्निर्माणलाई गति दिन सकेको छैन ।
भूकम्पसँगै अघिल्लो महिनाको बाढी र पहिरो र डुबानबाट विपद् पीडित थपिए पनि सरकारी ढिलासुस्ती र उदासीनताले भूकम्पपीडितको अवस्था कष्टकर बनेको छ ।।
