- १ कार्तिक २०८३, आईतवार / Oct 18, 2026
पूर्वी नेपालका धेरै क्षेत्रमा हल्कादेखि मध्यम वर्षा
इलामको कन्याममा सबैभन्दा धेरै ५३ मिलिमिटर वर्षा
काठमाडौँ उपत्यकामा पनि हल्का वर्षा
आज मेघगर्जन र चट्याङसहित पानी पर्ने सम्भावना
प्रि-मनसुन सक्रिय, सावधानी अपनाउन आग्रह
काठमाडौँ, २३ बैशाख । पूर्वी नेपालका धेरैजसो क्षेत्रमा हल्कादेखि मध्यम वर्षा भएको छ। बागमती प्रदेशदेखि कोशी प्रदेशसम्मका विभिन्न जिल्लामा गए राति र आज बिहान वर्षा मापन गरिएको छ।
जल तथा मौसम विज्ञान विभाग का अनुसार पछिल्लो ६ घण्टामा सबैभन्दा धेरै वर्षा इलामको कन्याम जल मापन केन्द्रमा करिब ५३ मिलिमिटर रेकर्ड गरिएको छ।
सुनसरी, संखुवासभा, पाँचथर, ताप्लेजुङ, सिन्धुपाञ्चोक, काभ्रे, मकवानपुर, दोलखा, सिन्धुली र नुवाकोटलगायतका जिल्लामा पनि वर्षा भएको छ। काठमाडौँ उपत्यकामा समेत हल्का वर्षा मापन गरिएको छ।
महाशाखाका अनुसार आज दिउँसो कोशी, मधेस, बागमती, गण्डकी र लुम्बिनी प्रदेशका केही स्थान तथा अन्य प्रदेशका थोरै स्थानमा मेघगर्जन र चट्याङसहित मध्यम वर्षाको सम्भावना छ। उच्च पहाडी तथा हिमाली क्षेत्रमा हिमपात पनि हुन सक्ने बताइएको छ।
हाल वर्षा प्रणाली पूर्वी क्षेत्रमा केन्द्रित रहेको र आगामी केही दिनसम्म प्रि-मनसुन सक्रिय रहने मौसमविद्हरूले बताएका छन्। यस अवधिमा मेघगर्जन, चट्याङ र हावाहुरीको जोखिम रहने भएकाले सावधानी अपनाउन विभागले आग्रह गरेको छ।
