शिक्षा मन्त्रालयले जारी गरेको शिक्षक सरूवासम्बन्धी निर्देशिका खारेज गर्न माग

शिक्षा मन्त्रालयले जारी गरेको शिक्षक सरूवासम्बन्धी निर्देशिका खारेज गर्न माग image

काठमाडौं । शिक्षा, विज्ञान तथा प्रविधि मन्त्रालयले जारी गरेको शिक्षक सरूवासम्बन्धी निर्देशिका २०८१ लाई खारेज गर्न स्थानीय तहहरूको छाता संस्थाहरू नेपाल नगरपालिका संघ र गाउँपालिका राष्ट्रिय महासंघले माग गरेका छन्।

सामुदायिक विद्यालयमा कार्यरत रहेका स्थायी शिक्षकहरूको सरूवालाई सरल, सहज, व्यवस्थित, अनुमानयोग्य, बस्तुनिष्ठ र पारदर्शी बनाउन भन्दै गत जेठ १३ गते मन्त्रालयले शिक्षक सरूवासम्बन्धी निर्देशिका ल्याएको थियो। संविधानले आधारभूत तथा माध्यमिक शिक्षालाई स्थानीय तहको एकल अधिकारको सूचीमा राखिएकोमा संघले निर्देशिका ल्याएर हस्तक्षेप गर्न खोजेको भन्दै नेपाल नगरपालिका संघ र गाउँपालिका राष्ट्रिय महासंघले विरोध गरेका हुन्।

साथै उनीहरूले ७५३ वटै स्थानीय तहहरूलाई मन्त्रालयले जारी गरेको शिक्षक सरूवासम्बन्धी निर्देशिका कार्यान्वयन नगरी संविधान र गाउँ वा नगरबाट जारी स्थानीय शिक्षा ऐनबमोजिम कार्यसम्पादन गर्न पनि आग्रह गरेका छन्।

 

Kailashkhabar.com

Kailashkhabar.com

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।

कैलाश खवर का अरु लेखहरु पढ्नुस्


hotelghyampedanda