- / Dec 3, 2024
न्युयोर्क । अमेरिकी राष्ट्रपति डोनाल्ड ट्रम्प जिम्मेवारी चयन गर्नका व्यस्त छन् । ट्रम्पले चुनाव जिताउन महत्त्वपूर्ण भूमिका निर्वाह गरेका सामाजिक सञ्जाल एक्सका मालिक एलन मस्कलाई विशेष जिम्मेवारी दिएका छन् । ट्रम्पले रिपब्लिकबाट उम्मेदवारी दाबी गरेका विवेक रामाश्वामी र मस्का लागि नयाँ विभागको जिम्मेवारी दिएका हुन् । उनले रामाश्वामी र मस्कका लागि डिपार्टमेन्ट अफ गभरमेन्ट इफिसेन्सीको नेतृत्व दिएका हुन् ।
अन्त्यन्त महत्त्वकांक्षी मानिएको यो परियोजनाको समय ४ जुलाई २०२६ सम्मको छ ।कर्मचारीतन्त्र, खेर गएका वस्तुको उपयोग गर्ने क्षेत्र तथा ‘सेभ अमेरिका’ अभियानमा सहयोगी हुने कुनै पनि क्षेत्रमा उनीहरूको उपस्थिति महत्त्वपूर्ण हुनसक्ने विश्वास गरिएको छ। पिटर हेगसेठलाई डिफेन्स सेक्रेटरीको रूपमा चयन गरेका छन् ।
आर्मी भेट्रान, फक्स न्युजका हस्ट तथा दुई सैन्य निकायका लागि सल्लाहकार समूहको प्रमुखको रूपमा काम गरेको अनुभव भएका उनी यस अघि मिनोस्टाको सिनेट सदस्यका लागि गरेको प्रयासमा असफल भएका थिए । अमेरिकाका शत्रु बारे पिटरलाई राम्रोसँग थाहा भएको तथा उनको कार्यकालमा अमेरिकाका सामु उसका शत्रु सहजै विफल हुने विश्वास ट्रम्पले राखेका छन् ।
अहिले रुस अमेरिका युद्ध र मध्यपूर्वका युद्ध चलिरहेको समयमा अमेरिकाको अबको नीतिका बारे चासो भइरहेको समयमा यो नियुक्ति महत्त्वपूर्ण मानिएको छ । राष्ट्रिय गुप्तचरका निर्देशक जोन रेटक्लिफ सिआइएका प्रमुख चयन भएका छन् । यसैगरी ट्रम्पले माइक हुकाबीलाई इजरायलका लागि नयाँ राजदूत चयन गरे । माइक वाल्ज राष्ट्रिय सुरक्षा सल्लाहकार पनि चयन भइसकेका छन् ।
रेटक्लिप सन् २०१९ मा राष्ट्रिय राष्ट्रिय गुप्तचरको प्रमुख चयन भएका थिए । उनको नियुक्तिको दोस्रो दिन नै कङ्ग्रेसमा समेत यस विषयमा कुरा उठेको थियो । दुवै दलले उनको योग्यतामाथि प्रश्न उठाएपछि उनको नियुक्तिको निर्णय एक दिनमा नै फिर्ता गरिएको थियो । सन् २०२० मा उनलाई गलत व्यवहार गरिएकोमा पछुतो मान्दै ट्रम्पले अर्को पटक नियुक्त गरेका थिए । सैन्य भेट्रान वाल्ज भने सेनामै लामो समय बिताएका व्यक्ति हुन् ।
उनले यसबीचमा मध्यपूर्व, अफगानिस्तान र अफ्रिकामा रहेर काम गरी सकेका छन् । मध्यपूर्वको दूतमा रियल स्टेटका व्यापारी स्टिभ विकोटकोभलाई नियुक्त गरेका छन्। विटकोभ ट्रम्पको चुनावी अभियानमा मुख्य चन्दा दाता मध्येका एक थिए । ट्रम्पले ह्वाइट हाउस काउन्सेलमा विलियम जोसेफ म्याकगिन्लेलाई नियुक्त गरेका छन् । ट्रम्पले केही समय अघि मात्र दक्षिणी डाकोटाका गभर्नर क्रिस्टी नोयमलाई होमल्यान्ड सेक्युरिटी विभागको नेतृत्व गर्ने जिम्मेवारी दिइएको छ।
यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।
एजेन्सी । ३३ जना इजरायली बन्धकहरू गाजापट्टीमा मारिएका छन् । प्यालेस्टाइनको विद्रोही समूह हमासले गाजापट्टीमा बन्धकहरुलाई सुरक्षित राख्ने कोसिस गरे पनि इजरायली आक्रमणकै कारण मारिएको जनाएको छ । इजरायली...
एजेन्सी । इजरायली हवाई आक्रमणमा गाजामा नागरिक सुरक्षा अधिकारी र पत्रकारसहित कम्तीमा ५४ जनाको मृत्यु भएको छ। दक्षिणी गाजामा, इजरायली ड्रोनले किजान अल–नज्जर क्षेत्रमा एउटा गाडी र भीडलाई निशाना बनाइ...
सोल । युक्रेनका रक्षामन्त्री दक्षिण कोरियामा पुगेको र द्विपक्षीय बैठकहरू भइरहेको किएभले जनाएको छ । युक्रेनलाई दक्षिण कोरियाको सम्भावित सैन्य सहयोगका बारेमा अधिकारीहरूबीच छलफल हुने समाचारपछि उनी त्यहाँ पुगेका...
एजेन्सी । इजरायल र हिजबुल्लाहबीच युद्धविराम सम्झौतामा हस्ताक्षर भएको छ । इजरायल र लेबनानको हिजबुल्लाह समुहबिच युद्धविरामको सम्झौता भएको अमेरिकी राष्ट्रपति जो बाइडेनले औपचारिक घोषणा गरेका हुन । सम्झौता...
