- ७ श्रावण २०८३, बिहीबार / Jul 23, 2026
काठमाडौं । जारी नेपाल प्रिमियर लिगको आज फाइनल खेल हेर्न टीयू क्रिकेट मैदान दर्शकले खचाखच भरिएको छ । फाइनलमा सुदूरपश्चिम रोयल्स र जनकपुर बोल्टस् भिड्दैछन् ।
बिहानैदेखि टीयू क्रिकेट मैदानमा दर्शक भरिभराउ भएर खेलाडीलाई होसला प्रदान गरिरहेका छन् । दुवैतर्फकका समर्थकले आआफ्नो टिमको समर्थनमा प्लेकार्डसहित हो हल्ला गरिरहेका छन् । फाइनलमा टस जितेर जनकपुरविरुद्ध सुदूरपश्चिम रोयल्सले ब्याटिङ गर्ने निर्णय गरेको हो ।
सुदूरपश्चिम दीपेन्द्र सिंह ऐरीको कप्तानीमा तथा जनकपुर आसिफ शेखको कप्तानीमा मैदान रोचक भिडन्त हुदैछ । क्रिकेट इतिहासकै सबैभन्दा ठूलो फ्रेन्चाइज प्रतियोगिताको उपाधि कसले जित्ला भन्ने कौतहुलताले दर्शक उत्साहित देखिन्छन् । विभिन्न ८ फ्रेन्चाइज टोली खेलमा सहभागी भएका थिए ।
