कालिञ्चोककोमा यो वर्षकै पहिलो पटक हिमपात, हिउँ परेपछि व्यवसायी खुशी

दोलखा । दोलखाको पर्यटकीय क्षेत्र कालिञ्चोकमा यो वर्ष हिउँदेयाम सुरु भएदेखि पहिलो पटक हिमतात भएको छ । सोमबार कालिन्चोक लगायतका क्षेत्रमा हिमपात भएपछि पर्यटन व्यवसायीहरु खुशी भएका छन् । हिउँ खेल्नका लागि उत्कृष्ट गन्तव्य बन्दै गएको जिल्लाको पर्यटकीय क्षेत्र कालिञ्चोकमा हिमपात शुरु भएसँगै व्यवसायी उत्साहित भएको जनाएका छन् ।

हिउँपरेपछि हिउँ खेल्न पर्यटकहरुको घुइचो लागेको पर्यटन व्यवसायी तथा होटल उडल्याण्डका सञ्चालक विजय पराजुलीले कैलाश खबरलाई जानकारी दिनुभयो । उहाँले कालिन्चोकमा हिउँपरेपछि बुकिङ हुन थालेको बताउँदै यस वर्ष ढिलो गरी हिउँ परेपछि आफूहरु खुशी भएको बताउँनुभयो ।

कालिन्चोकमा सञ्चालित होटलहरु मध्य आफ्नो होटल उडल्याण्ड टुरिष्ट स्टान्डर्डको भएको बताउदै कालिन्चोक आउने पाहुँनाहरुलाई स्वागत गर्न यहाँका पर्यटन व्यवसायीहरु तयार रहेको जानकारी दिनुभयो । कालिन्चोक आउने पर्यटकहरुलाई सहजरुपमा मन्दिरको दर्शन गर्न मिल्ने एकाले हिउँ खेल्न पर्यटकहरुलाई कालिन्चो आउन होटल व्यवसायीहरुको आग्रह छ ।

कालिन्चोकमा विगतका वर्षहरुमा मंसिरको अन्ततिर हिउँ पर्ने गरेको भएपनि यस वर्ष ढिलो गरि हिउँ परेको हो । कालिनचोकमा भण्डै ७० भन्दा बढी होटलहरु रहेका छन् । कालिञ्चोककोमा कुरी तथा आसपासको क्षेत्रमा यो वर्षकै पहिलो पटक हिमपात भएपछि काठमाडौँ, तराई तथा भारतका नागरिकसमेत हिउँ खेल्न आउने गरेका छन् । सहज रुपमा कालिन्चोक हिउँ खेल्न तथा मन्दिरको दर्शन गर्न सकिने भएका कारण यस क्षेत्रमा पर्यटकको संख्या बढ्ने गरेको छ ।