- २५ भाद्र २०८३, बिहीबार / Sep 10, 2026
दाङ, तुलसीपुर । सिंचाइ सुविधा नभएपछि हैरानी खेपेका स्थानीयले गाउँमा मन्त्रीको पहलमा नाला निर्माण भएपछि लुम्बिनी प्रदेशका अर्थमन्त्री धनबहादुर मास्कीलाई थारु नाचसहित भव्य स्वागत गरेका छन् ।
माघी पर्वको दिन नाला निर्माण प्रक्रिया कस्तो बनेको छ भन्दै अनुगमन गर्न पुगेका मन्त्री मास्कीलाई स्थानीयले स्वागत गरेका हुन् । शान्तिनगर गाउँपालिका वडा नं.५ बैसामा चालु बर्ष बजेट बिनियोजन भएको हो । पाँचसय मिटर नाला निर्माण सम्पन्न भएको छ । नाला निर्माणले सिंचाइ तथा सडक स्तरबृद्धिमा राहात मिलेको छ ।
त्यस अवसरमा मन्त्री मास्कीले आवश्यकताको आधारमा यस गाउँमा थप बजेटको व्यवस्था मिलाउँने प्रतिवद्धता जनाए । यसैबीच मन्त्री मास्कीले शान्तिनगर १ मा निर्माण भइरहेको बौद्ध गुम्वाको उद्घाटनसमेत गरेका छन् । मकर सँक्रान्तिको अवसरमा शान्ति बबई बौद्ध विहार गुम्बाको उद्घाटन गरेका हुन ।
एतिहासिक संस्कार, संस्कृतिको संरक्षण गर्न स्थानीय आफै जुट्नु पर्ने भन्दै मन्त्री मास्कीले शान्तिनगर १ का बासिन्दाले मगर सांस्कृति संरक्षणमा ध्यान दिएकोमा धन्यवाद दिए । मगर सँस्कृति संरक्षणका लागि पहल गर्ने वचन दिए । सो अवसरमा स्थानीयले मगर संग्रहालयको माग गरेका थिए ।
