- ५ आश्विन २०८३, सोमबार / Sep 21, 2026
काठमाडौँ । नेपालमा पहिलो पटक कोभिड–१९ संक्रमण ओमिक्रोनको नयाँ सब–भेरियन्ट जेएन–१ पुष्टि भएको छ। जिनोम सिक्वेन्सिङ प्रविधिबाट गरिएको परीक्षणमा जेएन–१ु पुष्टि भएको स्वास्थ्य तथा जनसङ्ख्या मन्त्रालयले जनाएको छ।
कोभिड संक्रमण बढ्दो क्रममा रहेकाले नागरिकलाई सावधानी अपनाउन र सम्बन्धित निकायलाई आवश्यक तयारीमा जुट्नसमेत मन्त्रालयले विज्ञप्ति मार्फत अनुरोध गरेको छ ।
देशका विभिन्न भागका विभिन्न उमेर समूहका व्यक्तिबाट सङ्कलित १६ वटा पीसीआर तथा एन्टिजेन पोजेटिभ नमूनाको राष्ट्रिय जनस्वास्थ्य प्रयोगशालाले पुस २२ मा जिनोम सिक्वेन्सिङ प्रविधिबाट परीक्षण गरेको थियो।
सो परीक्षणमा ७ वटा नमूनामा ओमिक्रोनको सब–भेरियन्ट जेएन–१ पहिलो पटक पुष्टि भएको हो। हाल विश्वका केही देशहरुमा कोभिड–१९ सङ्क्रमण ओमिक्रोनको नयाँ सब–भेरियन्ट जेएन–१ को जोखिम बढिरहेको मन्त्रालयले जनाएको छ।
