- ३१ भाद्र २०८३, बुधबार / Sep 16, 2026
काठमाडौँ । भारतको भिस्टारा एयरवेजको जहाजमा बम राखेको हल्ला फैलिएपछि बन्द भएको उडान सेवा पुःन सुरु भएको छ । त्रिभुवन विमानस्थलमा उडान पुनः सुरु भए पनि भिस्टारामा ‘सर्च’ जारी रहेको हो ।
भारतको नयाँदिल्लीबाट काठमाडौँ आएको उक्त विमान काठमाडौँमा अवतरण भएलगत्तै भिस्टाराको उडान नम्बर ‘यूके १५५’ को उक्त जहाजमाथि अनुसन्धान सुरु भएको प्रहरीले जनाएको छ ।
नेपाली सेनाले अहिले बम डिस्पोजक टोली खटाइसकेको छ। जहाजमा बम राखेको जानकारी पनि दिल्लीबाटै आएको हो। नेपाल नागरिक उड्डयन प्राधिकरणले वैकल्पिक मार्गबाट जहाजहरू धावनमार्ग पुर्याएर उडान सुरु गरिएको जनाएको छ ।
भिस्टारामा भने यात्रु र ह्यान्ड ब्यागको चेकिङ सकिएको छ । अब कार्गो कम्पार्टमेन्टमा रहेका ब्यागेज चेकिङ गरिने छ । त्यसपछि शंकास्पद वस्तु भेटिए बम डिस्पोजल टोलीले त्यसलाई निष्क्रिय गर्नेछ । पछिल्लो समयमा भारीत विमानहरुमाबल राखेको हल्ला लगातार फैलिरहेको छ।
