- २७ भाद्र २०८३, शनिबार / Sep 12, 2026
वीरगञ्ज । खाना पकाउने एलपिजी ग्यास र हवाई इन्धनमा कमी आएको छ। मुलुकको प्रमुख व्यापारिक नाका वीरगञ्ज हुँदै आयात गरिने इन्धनमा कमी आएको हो । खाना पकाउने ग्यास र हवाई इन्धनको आयातमा सङ्कुचन देखिए पनि नेपालमा सबैभन्दा बढी इन्धनका रूपमा उपयोग हुने डिजल र पेट्रोलको आयात बढेको छ ।
गत आर्थिक वर्षमा वीरगञ्ज नाकाबाट खाना पकाउने ग्यासको आयातमा चार प्रतिशत र हवाई इन्धनको आयातमा ७१ प्रतिशतले कमी आएको हो। आव २०७९।८० मा वीरगञ्ज नाकाबाट रु ३३ अर्ब १३ करोड बराबरको दुई लाख ९० हजार २८७ मेट्रिकटन खाना पकाउने ग्यास आयात गरिएको बताउँदै वीरगञ्ज भन्सार कार्यालयका सूचना अधिकारी रघुलाल कर्णले गत आवमा रु ३० अर्बको दुई लाख ६७ हजार ४८ मेट्रिकटन ग्यास आयात भएको हो । ११ हजार २३८ मेट्रिकटन कम ग्यास आयात भएको हो।
आव २०७९।८० मा रु। एक खर्ब १३ अर्ब ५८ करोडको १० लाख ४० हजार ५०६ केल डिजल र रु। ३८ अर्ब २४ करोडको तीन लाख ८९ हजार ७११ केल पेट्रोल आयात भएको जनाउँदै गत आवमा रु। एक खर्ब नौ अर्ब २९ करोडको १० लाख ८३ हजार ५२० केल डिजल र रु। ३९ अर्ब दुई करोडको तीन लाख ९४ हजार ७२३ केल पेट्रोल आयात भएको छ ।
भन्सार कार्यालयले उपलब्ध गराएको तथ्याङ्कअनुसार अघिल्लो आवमा वीरगञ्ज नाकाबाट रु। १७ अर्ब ३१ करोडको पाँच लाख ९७ हजार १४४ किलोलिटर ९केल० हवाई इन्धन आयात भएकामा गत आवमा रु। १८ अर्ब २१ करोडको एक लाख ७३ हजार ४८४ केल आयात भएको छ। वीरगञ्ज नाकाबाट आव २०७९।८० को तुलनामा गत आवमा डिजल चार प्रतिशत र पेट्रोलको आयात दुई प्रतिशतले बढेको छ ।
