- २७ असार २०८३, शनिबार / Jul 11, 2026
दैलेख । दैलेखबाट सुर्खेत फर्किँदै गरेको कर्णाली प्रदेश ०२००१ ख ०९९८ नम्बरको फोर्स गाडी दुर्घटनामा मृत्यु भएका र घाइते भएकाको पहिचान खुलेको छ। सुर्खेत–दैलेख सिमानास्थित वीरेन्द्रनगर–१४ को रातानाङ्ग्ला नजिक भएको दुर्घटनाका ४ जना मृतकको पहिचान खुलेको जिल्ला प्रहरी कार्यालय सुर्खेतका प्रमुख रहेका एसपी रुपेश खडकाले जानकारी दिए।
एसपी खड्काका अनुसार दुर्घटनामा दैलेखको भैरवी गाउँपालिका–५ का गाडीचालक ३८ वर्षीय सुरेश केसी, वडा नं. २ का ३६ वर्षीय कर्णबहादुर विष्ट, वडा नं. १ की १६ वर्षीया दीपिका महतारा र २१ वर्षीया संगीता विष्टको मृत्यु भएको हो। उनका अनुसार घाइतेहरुको पनि पहिचान खुलेको छ।घाइतेहरुमा दैलेख नारायण नगरपालिका-४ का २८ वर्षीय चन्द्र मल्ल, भैरवी गाउँपालिका-३ की २८ वर्षीया जगतकुमारी विष्ट, उनका २ वर्षीया छोरा स्माइल आचार्य र ६ वर्षीया छोरी स्मारिका आचार्य, सोही वडाकै १२ वर्षीय राजन थापा, २१ वर्षीया प्रकाश बिष्ट रहेका छन्।
घाइतेमध्ये दुल्लु नगरपालिका-१२ की २६ वर्षीया चन्द्रा रावत‚ उनका ७ वर्षीय छोरा सन्दीप रावत‚ भैरवी गाउँपालिका-१ की २२ वर्षीया सम्झना भण्डारी, उनकी १८ महिने छोरी युनिक विष्ट, सोही ठाउँकी १० वर्षीया चन्द्रा रावत रहेको प्रहरीले जनाएको छ। यसैगरी दुल्लु नगरपालिका-६ की १९ वर्षीया सुजता रावत, ९ वर्षीया बिहानी केसी, नाम थर नखुलेकी १५ महिनाकी बालिकाका साथै सुर्खेत वीरेन्द्रनगर नगरपालिका-८ की ३४ वर्षीया कृष्णा थापा र उनका ४ वर्षीय छोरा राजन थापा, ११ वर्षीया छोरी अविक्षा थापा रहेको प्रहरीले जनाएको छ।
घाइतेमा दैलेखको भैरवी गाउँपालिका-१ की १८ वर्षीया तुल्सी थापा, भैरवी गाउँपालिका-२ की २३ वर्षीया लालकुमारी बिष्ट, २२ वर्षीया पुष्पा खड्का, दैलेखको नारायण गाउँपालिका-४ का २५ वर्षीय बालाराम रेग्मी, दैलेखको महाबु गाउँपालिका-३ का २५ वर्षीया सोबण शाही, दैलेखको भैरवी गाउँपालिका-२ का १७ वर्षीय घनश्याम बिष्ट, महाबु गाउँपालिका-३ का २० वर्षीय प्रकाश बुढा पनि रहेका छन्।
त्यस्तै भैरवी गाउँपालिका-१ की ३१ वर्षीया रमा बिष्ट, २० वर्षीया कमला बिष्ट, महाबु गाउँपालिका-३ का १६ वर्षीय हरि रावल, भैरवी गाउँपालिका-१ की २७ वर्षीया सुजता खत्री, सुर्खेतको वीरेन्द्रनगर नगरपालिका-३ का २१ वर्षीय सौगात मल्ल घाइते भएका छन्। घाइते हुनेहरुमा दैलेख भैरवी गाउँपालिका-५ का ३० वर्षीय कमल नेपाली र ठेगाना नखुलेको वर्ष अन्दाजी ३८-४० को सुरेश केसी रहेका छन्।
