- २२ कार्तिक २०८३, आईतवार / Nov 8, 2026
एजेन्सी । गाजापट्टीमा आधाभन्दा बढी भवनहरु ध्वस्त भएको तथ्यांक सार्वजनिक भएको छ । इजरायलले गत अक्टोबर ७ देखि हमासविरुद्ध गरेको आक्रमणमा आधा भन्दा बढी भवनहरु ध्वस्त भएका हुन ।
लाखौं मानिस घरबारविहीन भएपछि पालमुनि जीवन गजार्न बाध्य छन् । गाजाका १७ लाख जनसंख्या रहेको गाजाका ८० प्रतिशत सर्वसाधारण बिस्थापित भइसकेका छन् । डिसेम्बरको शुरुदेखि दक्षिणी र मध्य गाजामा इजरायलले जारी राखेको बमबारीका कारण गाजाका अधिकांश विश्वविद्यालयहरु भग्नावशेषमा परिणत हुनुका साथै आधाभन्दा बढी संरचनाहरु क्षतिग्रस्त भएको तथ्यांकमा उल्लेख छ ।
जसका कारण स्याटेलाइट डाटा अनुसार विनाशको वास्तविकता छर्लङ भएको छ । हालैका सातामा गाजापट्टीको खान युनिस शहर नराम्ररी प्रभावित भएको छ । सो शहरमा मात्रै ३८ हजार भवन ध्वस्त भएका छन् ।
इजरायलले हमलाका लडाकुसंगै त्यहाँका पुर्वाधारहरुलाई पनि निशाना बनाएको तथ्यांकमा उल्लेख छ । बीबीसीले गरेको नयाँ विश्लेषण अनुसार गाजाभरिका आवासीय क्षेत्रहरु ध्वस्त हुनुका साथै बजार र सडकहरु भग्नावशेषमा परिणत भएका छन् । गाजापट्टीमा १ लाख ७५ हजार भवनहरु ध्वस्त भइसकेका छन् ।
