पछिल्ला दुई चुनावमा बहुमतको सरकार बनाएका मोदीलाई यसपटक सरकार बनाउन अप्ठेरो

पछिल्ला दुई चुनावमा बहुमतको सरकार बनाएका मोदीलाई यसपटक सरकार बनाउन अप्ठेरो image

काठमाडौं । सत्तारुढ दल भारतीय जनता पार्टी (भाजपा) बहुमत ल्याउन असफल भएको छ । भारतीय लोकसभा निर्वाचन–२०२४ मा भाजपा बहुमत ल्याउन असफल भएको हो । अन्तिम मतपरिणाम सार्वजनिक हुँदा भाजपा एक्लैको २ सय ४० सिट रहेको छ ।

पाँच सय ४३ सदस्यीय लोक सभामा बहुमत पुर्‍याउन दुई सय ७२ सिट चाहिन्छ । पाँच सय ४३ सिटको लागि भएको लोकसभा चुनावमा एनडीएले २ सय ९२ सिट जितेको छ । परिणाम घोषणा भएकामध्ये अन्य १७ सिटमा केही साना दल र स्वतन्त्र उम्मेदवारले विजय हासिल गरेका भारतीय निर्वाचन आयोगलदे जनाएको छ ।

२०१९ मा सम्पन्न निर्वाचनमा ३०३ सिट जितेको भाजपाले हाल केवल २४० सिटमा मात्र विजयी भयो । पार्टीले गएको चुनावको तुलनामा ६३ सिट गुमाएको हो । बहुमत गुमाए पनि भाजपा पहिलो दल बन्न भने सफल भएको छ । एनडीएको विपक्षी गठबन्धन भारतीय राष्ट्रिय विकास समावेशी गठबन्धन (इन्डिया गठबन्धन) ले २ सय ३४ सिटमा जीत हासिल गरेको छ ।

योसंगै प्रधानमन्त्री नरेन्द्र मोदी लोकसभामा तेस्रो पटक निर्वाचित भएका छन् । उनले भाजपा नेतृत्वको एनडीएले सरकार बनाउने बताएका छन् । गएको अप्रिल १९ तारिखदेखि शुरु भएको मतदान सात चरणमा गरी गएको शनिवार सकिएको थियो । यता प्रमुख प्रतिपक्षी दल भारतीय राष्ट्रिय कांग्रेस (आईएनसी)ले ९९ सिटमा जित हात पारेको छ ।

उसले गएको चुनावको तुलनामा ४७ सिट बढी पाएको हो । २०१९ मा भएको निर्वाचनमा यो पार्टीले केवल ५२ सिटमा विजयी भएको थियो । कांग्रेसकै नेतृत्वमा गठित विपक्षी भारतीय राष्ट्रिय विकास समावेशी गठबन्धन (इन्डिया)ले दुई सय २४ सिटमा जित हासिल गरेको छ।

यो गठबन्धनको बलमा सत्ता गठबन्धनका केही दललाई आफूतिर तानेर सरकार गठन गर्ने गृहकार्यमा कांग्रेस पार्टी लागेको छ । यसैगरी समाजवादी पार्टीले ३७ सिट, अल इन्डिया तृणमुल कांग्रेसले २९, द्रविड मुन्नेत्र कजगमले २२ सिट तथा तेलुगु देसामले १६ र जनता दल (एकीकृत) ले १२ सिट जितेको छ ।

पछिल्ला दुई चुनावमा लगातार बहुमत ल्याएर सरकारको नेतृत्व गरेका मोदीलाई यसपटक भने सरकार बनाउन गठबन्धनमा आवद्ध दलहरुको भर गर्नुपर्ने भएको छ । छ हप्ताको अवधिमा सात चरणमा सम्पन्न लोकसभा निर्वाचनमा करिब ६४ करोड २० लाख जनताले मतदान गरेका थिए।

Kailashkhabar.com

Kailashkhabar.com

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।

कैलाश खवर का अरु लेखहरु पढ्नुस्

  • बाढीपहिरोमा परेर एक महिनामा १ सय ८ जनाको ज्यान गयो image

    बाढीपहिरोमा परेर एक महिनामा १ सय ८ जनाको ज्यान गयो

    काठमाण्डौ । देशका विभिन्न ठाउँमा बाढीपहिरोका कारण एक महिनामा एक सय आठ जनाको ज्यान गएको छ । प्रहरी प्रधान कार्यालयका अनुसार गएको जेठ २८ गतेदेखि देशका विभिन्न ठाउँमा आएको...

  • केदारनाथको शिर डोलेश्वरमा श्रावणी मेलाको तयारी पुरा image

    केदारनाथको शिर डोलेश्वरमा श्रावणी मेलाको तयारी पुरा

    भक्तपुर । सुर्यविनायक नगरपालिका–८ सिपाडोलस्थित प्रसिद्ध केदारनाथको शिर डोलेश्वर मन्दिरमा साउन १ गतेदेखि लाग्ने श्रावणी मेलाको तयारी पुरा भएको छ । मन्दिर संरक्षण तथा विकास समितिले हरेक बर्ष झै...

  • मुकुलले गिरफ्तार योजना बनाउँदै image

    मुकुलले गिरफ्तार योजना बनाउँदै

    काठमाडौं । पार्टीबाट कारबाहीमा परेका महामन्त्री डा. मुकुल ढकालमाथि भिक्टिम कार्ड खेलिरहेको राष्ट्रिय स्वतन्त्र पार्टीका सहप्रवक्ता मनिष झाले आरोप लगाएका छन् । धारणा सार्वजनिक गर्दै झाले मुकुल स्पष्ट रूपमा...

  • नवनियुक्त प्रधानमन्त्री ‌केपी शर्मा ओलीले आज शपथ लिदै image

    नवनियुक्त प्रधानमन्त्री ‌केपी शर्मा ओलीले आज शपथ लिदै

    काठमाडौं । नवनियुक्त प्रधानमन्त्री केपी शर्मा ओलीले आज पद तथा गोपनीयताको शपथ लिँदै छन् । बिहान ११ बजे राष्ट्रपति रामचन्द्र पौडेलले ओलीलाई शपथ गराउने कार्यक्रम रहेको शीतलनिवासले जनाएको छ...


hotelghyampedanda