ग्यास लुकाएर अभाव देखाए ग्यास जफत गर्ने सरकारको चेतावनी

काठमाडौं । अभाव भए सरकारले ठोस कदम चाल्ने चेतावनी दिएको छ । बजारमा खाना पकाउने ग्यासको अभाव हुन थालेपछि सरकारले ठोस कदम चालने चेतावनी दिएको हो । कसैले ग्यास लुकाएर अभाव सिर्जना गरे कारवाही गर्ने सरकारले चेतावनी दिएको हो ।

ग्यास उद्योगीहरूले गत साता पत्रकार सम्मेलन मार्फत १९ बुँदे मागसहित ग्यास आयात तथा बिक्री रोक्ने चेतावनी दिएको थियो । यसपछि बजारमा ग्यास अभाव भएको गुनासो आउन थालेको हो । उद्योग वाणिज्य तथा आपूर्ति मन्त्रालयले ग्यास लुकाएर अभाव देखाए ग्यास जफत गर्ने चेतावनी दिएको छ ।

ग्यास उद्योगीका माग सम्बोधनका लागि वाणिज्य आपूर्ति तथा उपभोक्ता संरक्षण विभागको मातहतमा बैठक बसेपछि ग्यास उद्योगीसँग छलफल गरी उद्योगीहरुका जायज मागलाई सम्बोधन गरिने सरकारले जनाएको छ ।