- ३० श्रावण २०८३, शनिबार / Aug 15, 2026
सिराहाबाट हलेसी दर्शन गरेर फर्किंदै गरेको विङ्गर गाडी भीरबाट करिब १५० मिटर तल खस्यो
गाडीमा १८ जना तिर्थालु सवार
दुर्घटनामा १२ जना गम्भीर घाइते
घाइतेहरूको उद्धार गरी घुर्मी अस्पताल पठाइयाे
एम्बुलेन्सको अभावमा प्रहरीको गाडी प्रयोग
खोटाङ, १९ साउन । हलेसी महादेवको दर्शन गरेर फर्किँदै गरेको एक विङ्गर गाडी आज बिहान खोटाङको जयरामघाटमा भीरबाट खस्दा ठूलो दुर्घटना भएको छ।
सिराहाबाट गएका १८ जना तिर्थालु सवार गाडी करिब १५० मिटर तल खस्दा १२ जना गम्भीर घाइते भएका छन्। इलाका प्रहरी कार्यालय हलेसीका प्रहरी निरीक्षक हेमन्त राईका अनुसार, एम्बुलेन्स नपाइएकाले प्रहरीको गाडी प्रयोग गरी घाइतेहरूलाई घुर्मी अस्पताल पुर्याइएको छ।
घाइतेमध्ये केहीको अवस्था चिन्ताजनक रहेको र मृत्यु हुन सक्ने आशंका गरिएको छ। दुर्घटनाको विस्तृत विवरण आउन बाँकी रहेको प्रहरीले जनाएको छ।
