- ३२ असार २०८३, बिहीबार / Jul 16, 2026
भक्तपुर। क्याम्पस प्रमुखले आफ्ना माग सुनुवाइ नगरेको भन्दै विद्यार्थीहरुले प्रमुखको कुर्सी रुखमा झुण्ड्याइदिएका छन् । भक्तपुरको सानोठिमीस्थित सानोठिमी क्यापस प्रमुखको कुर्सी रुखमा झुण्डाइएको हो ।
अवैध रुपमा बसेकालाई निकाली ३० दिनभित्र कोटा अनुसार राख्न पाँच संगठन र क्याम्पस प्रमुखको सहमति भएको थियो । विभिन्न राजनीतिक दलसंग आवद्व विद्यार्थी संगठनले अवैध रुपमा छात्रावास बनाएको भन्दै अवैध रुपमा छात्रावासमा बस्नेलाइ निकाल्न माग गरेका छन् ।
नेबिसंघ, अनेरास्ववियु,अखिल क्रान्तिकारी संयुक्त, अनेरास्ववियूलगायतका विद्यार्थी संगठनले क्याम्पस प्रमुख बाहिर गएको बेला माग पूरा नभएको भन्दै कुर्सी रुखमा झुण्ड्याएका थिए ।
मंगलबार झुण्डाइएको कुर्सी विद्यार्थीहरुसंगको सहमतीपछि यथास्थानमा राखिएको भक्तपुर प्रहरीले जनाएको छ । विद्यार्थी संठठनहरुले दश दिन भित्र आफ्ना माग पुरा नभए पुनः आन्दोलन गर्ने चेतावनी दिएका छन् ।
