वर्षा र हावाहुरीको सम्भावना

काठमाडौँ । पश्चिमी वायुको प्रभाव कायमै रहेकाले आज गण्डकी, कर्णाली र सुदूरपश्चिम प्रदेशका पहाडी भागमा हावाहुरी चल्ने सम्भावना रहेको छ । कोशी, मधेस र बागमती प्रदेशमा आंशिक बदली रही बाँकी भागमा मौसम मुख्यतया सफा रहने छ ।

गण्डकी, कर्णाली र सुदूरपश्चिम प्रदेशका पहाडी भागका थोरै स्थानहरूमा तथा कोशी र बाग्मती प्रदेशको पहाडी भागका एक दुई स्थानमा मेघगर्जन र चट्याङसहित हल्का वर्षाको सम्भावना रहेको मौसम पूर्वानुमान महाशाखाले जनाएको छ ।

मधेस प्रदेशको तराई भागका केही स्थानहरूमा साथै कोशी र लुम्बिनी प्रदेशको तराई भागका थोरै स्थानहरूमा हावाहुरीको सम्भावना रहेको छ।