प्रमुख नेता हसन मारिएपछि स्थिति तनावग्रस्त

काठमाडौं । आफ्ना प्रमुख नेता हसन नसरल्लाह मारिएको हिजबुल्लाहले पुष्टि गरेको छ । एक विज्ञप्ति जारी गर्दै इजरायलको आक्रमणमा प्रमुख नेता नसरल्लाह मारिएको पुष्टि गरेको हो । नसरल्लाह सन् १९९२ देखि इरान समर्थित संगठन हिजबुल्लाहका सदस्य थिए ।

उनी संस्थाका संस्थापक सदस्य मध्येका एक थिए । इजरायलले आक्रमण गरेको कमाण्ड सेन्टरको भग्नावशेषमा हिजबुल्लाह प्रमुखकी छोरीको शव पनि फेला परेको बताइएको छ । इजरायली सेनाले बेरुत लगायत लेबनानका धेरै क्षेत्रमा मिसाइल आक्रमण जारी राखेको छ ।

इजरायलले बेरुतको दहियाह सहरमा बसोबास गर्ने मानिसहरूलाई तत्काल इलाका खाली गर्न आग्रह गरेको छ। तर त्यहाँको अवस्था तनावग्रस्त भएको संचारमाध्यमले जनाएका छन् ।