हिमपहिरो खस्यो, सावधानी अपनाउँन आग्रह

पोखरा । मनास्लु हिमालको आडैमा रहेको वीरेन्द्र हिमतालमा हिमपहिरो खसेको छ । हिमपहिरोका कारण तालको सतह भरिएर पानी बाहिर बग्न थालेपछि बुढीगण्डकी नदीमा बाढी आउने सम्भावनामा तटीय क्षेत्रका बासिन्दा त्रसित बनेका छन् । गृह मन्त्रालयदेखि वडा कार्यालयसम्म सतर्कता अपनाउन सर्वसाधारणलाई सूचित गरिएको छ ।

हिमताल फुटेको नभई हिमपहिरो खस्दा तालको पानी छचल्किएर बाहिर बगेको मनाङको चुमनुव्री गाउँपालिकाका अध्यक्ष निमा लामाले बताए । जलवायु परिर्वतन तथा वातावरण सल्लाहकार डा पपुलर जेन्टलले हिमतालको जोखिमलाई कम आँक्न नहुने धारणा राखे । हिमनदी र हिमतालहरु पृथ्वीका लागि पानीको स्रोत भएकाले तिनलाई जोगाउनुपर्ने उनको धारणा छ ।

सन् २०१५ मा भएको ‘पेरिस सम्झौता’मा संयुक्त राष्ट्रसङ्घीय जलवायु परिवर्तनसम्बन्धी महासन्धीका पक्ष राष्ट्रहरुले विश्वव्यापी तापक्रम वृद्धिलाई एक दशमलव पाँच डिग्री सेल्सियसमा सीमित पार्ने सहमति गरेपनि हिमालय क्षेत्रको तापक्रमले उक्त तह पार गरिसकेको डा. जेन्टलले बताए । पृथ्वीको तापमान बढ्नुको मुख्य कारण हरित ग्याँसको उत्सर्जन रहेको रेग्मीको भनाइ छ ।