- १ कार्तिक २०८३, आईतवार / Oct 18, 2026
सोलुखुम्बु । थामे क्षेत्रमा बाढीको जोखिम अझै रहेको सोलुखुम्बुका प्रमुख जिल्ला अधिकारी देवी पाण्डेले बताएका छन् । शुक्रबार दुईवटा हिमताल फुट्दा बाढी आएको सो क्षेत्रमा बाढीको अझै उच्च जोखिम रहेको हो ।
थामे क्षेत्रको रक्षामन्त्री मानवीर राई र राष्ट्रिय विपद् जोखिम न्यूनीकरण व्यवस्थापन प्राधिकरणका प्रमुख कार्यकारी अधिकृत अनिल पोखरेलसहितको टोलीले हवाई निरीक्षण गरेका छन् । जोखिममा रहेका हिमताल जोगाउन सक्ने सम्भावना कम रहेको विपद् व्यवस्थापन समितिले जनाएको छ ।
थामेभन्दा माथिपट्टि पाँचवटा हिमताल रहेछन्, शुक्रबार दुईवटा विस्फोटपछि बाढी आएको हो । खुम्बुसहित तल्लो सोलुमा बाढीको उच्च जोखिम रहेकाले सो क्षेत्रमा उच्च सावधानी अपनाउन आग्रह गरिएको छ ।
जलवायु परिवर्तन र बढ्दो तापक्रमका कारण हिमताल विस्फोट भएको हुनसक्ने जल तथा मौसम विज्ञान विभाग मौसम पूर्वानुमान महाशाखाले बताएको छ । थामे क्षेत्रमा साउन २५ गतेदेखि दैनिक औसत तापक्रम बढेको छ ।
