- २८ श्रावण २०८३, बिहीबार / Aug 13, 2026
एजेन्सी । भारतको महाराष्ट्र अन्तरगतको मुम्बईमा आँधीका कारण होर्डिङ बोर्ड ढल्दा कम्तिमा १४ जनाको मृत्यु भएको छ।
भारतीय अधिकारीहरूका अनुसार करिव १५ हजार वर्गफिटको उक्त होर्डिङ बोर्ड ढलेर करिब ७४ जना घाइते छन् भने उक्त बोर्ड शहरको घर र पेट्रोल स्टेसनमा खसेको थियो।
मुम्बईमा वर्षा र धुलोको आँधीले रुखहरू ढलेसँगै बिलबोर्ड खसेको थियो। होर्डिङ बोर्ड खसेर सवारी साधनहरू च्यापिएका छन्। घटनास्थलमा उद्धारका कामहरु भैरहेका छन्।
