- २० आश्विन २०८३, मंगलवार / Oct 6, 2026
काठमाडौं । पछिल्लो ५ महिनामा मा जंगली वन्यजन्तुको आक्रमणबाट ८३ जनाको मृत्यु भएको छ । नेपाल प्रहरीले २५६ जनाको उद्धार र उपचारमा सहयोग पुर्याएको जनाएको छ ।
चालु आर्थिक वर्षको ५ महिनामा सर्प, बाघ, गैँडा, हात्ती र भालुको आक्रमणबाट ८३ जनाएको ज्यान गएको नेपाल प्रहरीले जनाएको छ । ५ सय ९९ जना घाइते भएको जनाएको छ । हात्तीको आक्रमणबाट ६ जनाको मृत्यु भएको छ भने १४ जना घाइते भएका छन्। बाघको आक्रमणबाट ३ जनाको मृत्यु भएको छ भने २४ जना घाइते भएका छन्। ११ जनाको प्रहरीले उद्धार गरेको छ।
गैँडाको आक्रमणबाट ४ जनाको मृत्यु भएको छ भने १४ जना घाइते भएका छन्। ४ जनाको प्रहरीले उद्धार गरेको छ। भालुको आक्रमणबाट १५ जना घाइते भएका छन् भने प्रहरीले २ जनाको उद्धार गरेको छ। सबैभन्दा धेरै सर्पको टोकाइबाट ७० जनाको मृत्यु भएको छ भने ५३२ जना घाइते भएका छन्। २३६ जनाको प्रहरीले उद्धार गरेको छ।
