उपसभामुखबारे रविले सोधे प्रधानमन्त्रीलाई के गर्न खोजेको ?

काठमाडौं । प्रधानमन्त्री केपी शर्मा ओलीसँग उपसभामुख इन्दिरा रानाबारे राष्ट्रिय स्वतन्त्र पार्टीका सभापति रवि लामिछानेले धारणा माग गरेका छन् ।

बालुवाटारमा प्रधानमन्त्री ओलीलाई भेटेर सभापति लामिछानेले उपसभामुख रानालाई महाअभियोग लगाएर हटाउने चर्चाबारे जिज्ञासा राखेका हुन् ।

उपसभामुख रानाले डेढ वर्षअघि अमेरिकी दूतावासलाई आफूसँगै अमेरिका जाने पाँच जनाको अन्तर्वार्ता मिति चाँडो राखिदिन पत्र लेखेकी थिइन् ।

सोही विषयलाई लिएर मंगलबार बसेको प्रतिनिधि सभा बैठकमा उनको पदीय र चारित्रमाथि प्रश्न उठाउँदै सत्तापक्षका सांसदले राजीनामा मागेका थिए ।