- २७ श्रावण २०८३, बुधबार / Aug 12, 2026
काठमाण्डौ । सहकारी ठगीको मुद्दामा जीबी राईविरुद्ध डिफ्युजन नोटिस जारी भएको छ । सूर्यदर्शन बचत तथा ऋण सहकारी संस्थाका अध्यक्ष राईविरुद्ध शनिबार इन्टरपोलले डिफ्युजन नोटिस जारी गरेको हो ।
डिफ्युजन नोटिस जारी भएसँगै इन्टरपोलका १ सय ९६ सदस्य राष्ट्रले उनीमाथि निगरानी तथा खोजी गर्नेछन् । वारेन्ट जारी नभएका तथा अनुसन्धानकै क्रममा रहेका फरार अभियुक्तहरूको खोजीका लागि डिफ्युजन जारी गरिन्छ ।
जिल्ला प्रहरी कार्यालय कास्कीले राईविरुद्ध डिफ्युजन नोटिस जारी गर्न प्रहरी प्रधान कार्यालयमा पत्राचार गरेको थियो । लगत्तै इन्टरपोलको नेपाल शाखा नेशनल सेन्ट्रल ब्युरो (एनसीबी) काठमाण्डौले प्रहरी अन्तर्राष्ट्रिय सङ्गठन इन्टरपोलमा पत्राचार गरेको थियो ।
उनी विदेशमा लुुकेर बसेको आशङ्का गरिएको छ । ग्यालेक्सी फोर–के टेलिभिजनका सञ्चालक समेत रहेका राईविरुद्ध विभिन्न सहकारीमा बचतकर्ताको रकम हिनामिना गरेको आरोप छ ।
