“इरानको स्पष्ट प्रतिक्रिया : युद्धविरामको कुनै सहमति छैन”

इरानले इजरायलसँग कुनै पनि युद्धविरामको सम्झौता नभएको स्पष्ट पारेको छ। इरानी विदेशमन्त्री अब्बास अराघ्चीले सामाजिक सञ्जालमार्फत बताएका छन् अहिलेसम्म युद्धविराम वा सैन्य कारबाही रोक्नेबारे कुनै सहमति भएको छैन।

उनले भनेका छन्, “इरानले बारम्बार स्पष्ट पारेको छ, इजरायलले नै युद्ध सुरु गरेको हो। हालसम्म कुनै पनि युद्धविरामको सहमति छैन। तर यदि इजरायली शासनले तेहरान समयअनुसार बिहान ४ बजेभित्र आक्रमण रोक्छ भने, हाम्रो प्रतिक्रिया रोक्ने सोच बनाइएको छ। अन्तिम निर्णय भने पछि गरिनेछ।”

यसअघि अमेरिकी राष्ट्रपति डोनाल्ड ट्रम्पले इरान–इजरायल युद्धविरामका लागि सहमति भएको दाबी गरेका थिए। उनले दुवै मुलुक १२ दिनका लागि युद्धविराम गर्न तयार भएको बताएका थिए।