- २२ कार्तिक २०८३, आईतवार / Nov 8, 2026
काठमाडौं । काठमाडौंमा दुई समूहबीच झडप हुँदा एक युवाको मृत्यु भएको छ । अन्य ६ जना घाइते भएका छन् । काठमाडौं महानगरपालिका–१७ पोडेटोलस्थित २ नम्बर गल्लीमा भएको झडपमा वर्ष ३३ का अनित पुजारीको ज्यान गएको जिल्ला प्रहरी परिसर, काठमाडौंले जनाएको छ ।
स्थानीय सुबिन्द्र पोडे, किरण पुजारी, दिनेश पुजारी, माया पुजारी, विक्रम पुजारी र अमृत पुजारी घाइते भएका छन् ।छिमेकी–छिमेकीबीच विवाद हुँदा घटना भएको हो । धारिलो हतियार प्रहारपछि गम्भीर घाइते भएका अनितको मृत्यु भएको हो ।
घाइतेको शिक्षण अस्पताल, राष्ट्रिय ट्रमा सेन्टर र पिपुल्स अस्पतालमा उपचार भइरहेको छ । घटनामा संलग्न आरोपमा प्रहरीले ७ जनालाई पक्राउ गरी अनुसन्धान थालेको छ ।
