- १९ आश्विन २०८३, सोमबार / Oct 5, 2026
मुख्य बुँदा
काँकडभिट्टाबाट एक वर्षमा २४ अर्ब ५० करोडभन्दा बढीको पेट्रोलियम पदार्थ आयात।
१२ अर्ब १८ करोडको पेट्रोल, ९ अर्ब ५५ करोडको डिजेल र २ अर्ब ७७ करोडको एलपीजी आयात।
अघिल्लो आर्थिक वर्षको तुलनामा पेट्रोल र डिजेल आयातमा वृद्धि।
पेट्रोलबाट ५ अर्ब ८५ करोड र डिजेलबाट २ अर्ब ९३ करोड रुपैयाँ राजस्व सङ्कलन।
काँकडभिट्टा भन्सारमार्फत राजस्वमा उल्लेखनीय योगदान।
झापा, १७ साउन । काँकडभिट्टाबाट गत आर्थिक वर्षमा रु २४ अर्ब ५० करोड ६७ लाख ४४ हजार बराबरको पेट्रोलियम पदार्थ आयात भएको छ ।
उक्त अवधिमा पेट्रोल, डिजेल र ‘लिक्विफाइड पेट्रोलियम ग्यास’ ९एलपिजी० गरी तीन प्रकारका पेट्रोलियम पदार्थ आयात भएको हो ।
काँकडभिट्टा भन्सार कार्यालयका अनुसार रु १२ अर्ब १८ करोड सात लाख ६४ हजार बराबरको पेट्रोल आयात भएको छ भने डिजेल रु नौ अर्ब ५५ करोड ४९ लाख सात हजार र एलपिजी रु दुई अर्ब ७७ करोड १० लाख ७३ हजार बराबरको आयात भएको छ ।
आर्थिक वर्ष २०८१(८२ मा पेट्रोल रु आठ अर्ब ९२ करोड ८५ लाख २६ हजार र डिजेल रु सात अर्ब तीन करोड ३२ लाख १९ हजार बराबरको आयात भएको थियो ।
उक्त कार्यालयका प्रमुख शिवलाल न्यौपानेका अनुसार पेट्रोलियम पदार्थ आयात गरी गत आवमा पेट्रोलबाट रु पाँच अर्ब ८५ करोड ३७ लाख ५० हजार र डिजेलबाट रु दुई अर्ब ९३ करोड २२ लाख ३९ हजार राजस्व सङ्कलन भएको छ । रासस
